Protagonistak
Jakin nahi al duzu nola ikusten duten Asasam bere barne dauden erabiltzaile eta senideek? Atal honetan, gure elkartean aurrera egiteko laguntza lortu duten hainbat pertsonaren esperientziak ezagutu ahal izango dituzu.
Asasamen lehenengo presidenteetarikoa izan zen Araceliren semea da Juan Carlos. Amarekin batera egon zen elkartearen hasieran eta gogoan du banketxeetara, enpresetara eta erakundeetara joan zirela baliabide eske. Jaso zuten diruarekin, buru gaixotasuna zutenek asteburuko irteerak eta hondartzara txangoak egin edo zinera joateko aukera zuten.
Marta Saéz-en semeak soldaduskan sufritu zuen eta buru gaixotasuna orduan agertu zitzaion. Haurtzaro zaila izan zuen, eta urteek aurrera egin ahala behar bereziak zituela konturatu ziren. Baina Zaragozan “joan zitzaion burua” lehenengo aldiz. “Etxera etorri nahi zuen berak, oso gaizki sentitzen zelako, baina galarazi egin zioten”.