Sentsibilizazio kanpaina berria jarri dugu gaur martxan, Elkarrekin hobea da bizitza izenburupean, gure 25. urteurrena dela eta. Horrela, tabuak hautsi eta gure kolektiboaren ikuspegi normalizatua eskaini nahi dugu, modu horretan buru osasun arazoak dituzten pertsonek laguntza bilatzeko adorea izan dezaten. Gainera, buru gaixotasuna duten pertsonek gizarte babesa behar dutela azpimarratu nahi dugu, euren errekuperaziorako ezinbestekoa baita.