#AURKITU. Zure osasun mentala ez blokeatu” osasun mentala eta menpekotasunak prebenitzeko eta horien inguruan sentsibilizatzeko programa bat da. ESPAINIAKO OSASUN MENTALAREN Konfederazioak gauzatzen du, eta Osasun, Gizarte Zerbitzu eta Berdintasun Ministerioko Drogei buruzko Plan Nazionalak kofinantzatu.
Buru gaixotasuna duten emakumeen %75k indarkeria jasan du noizbait familiartean edo bikote-harremanean. Horrela dio Fedeafesek, buru gaixotasuna duten pertsona eta senide elkarteen Euskadiko federazioak, aurkeztutako ikerlanak. Lan horren arabera, nahasmendu psikiko larria duten emakumeen %40 izan da bortxakeria sexualaren biktima.
2015 eta 2016 urteetan zehar 33 profesionalen laguntzarekin, nahiz Osakidetzaren eta instituzioen kolaborazioarekin, gauzatutako azterlanak mahai gainean jarri du buru gaixotasun larria duten emakumeen egoera; izan ere, gainerako emakumeekin alderatuz, indarkeria jasateko arrisku bikoitza edo laukoitza dute, eta jasaten ari direna ez dute biolentzia gisa identifikatzen kasuen %40n. Azterlan hau aitzindaria da espainiar Estatuan, orain arte ez baitira errealitate honen datu kuantitatiboak jaso.
Fedeafesek, Buru gaixotasuna duten pertsona eta senide elkarteen Euskadiko federazioak, buruko nahasmendua duten eta indarkeria jasaten duten emakumeen inguruko ikerketa aurkeztuko du. Azterlan hori Eusko Jaurlaritzako Enplegu eta Gizarte Politiketako sailaren eta Emakunderen laguntzari esker burutu da 2015 eta 2016 urteetan.
Larunbat honetan Boluntariotzaren I. Euskal Topaketan parte hartu dugu, Enplegu eta Gizarte Politika Sailaren eta Boluntariotzaren Euskal Kontseiluaren gonbidapenari esker.
2016ko Abenduaren 5etik 7ra, ASASAMeko Zentro Psikosozialeko 20 erabiltzailek, “elikadura, jakien higiene eta hauen manipulaziorako” kurtsillo bat burutu zuten Laudioko Kultur etxean. Iraupena 6 orduko izan zen.
Gaur Abenduak 5, boluntarioen nazioarteko eguna, era altruista batean gizartea hobea izateko lan egiten duten pertsonen eguna ospatzen da. Arrazoi horregatik, ASASAM elkartetik, gure boluntario guztien konpromisoa aitortu nahi dugu ete elkartean egindako lana eskertu.
Indarkeria matxistaren aurkako egunean: azaroaren 25ean, LANzalaudio, Laudioko lehenengo enplegu anezkaren eskutik, Estibaliz Etxebarriak "Hizkuntzaren erabilera ez sexista"ri buruz hitz egingo zuen Asasam-eko Zentro Okupazionalean egiten den Berdintasuna tailerrean. Solasaldia Laudioko Arza eraikinean izan zen, gaztelaniaz. LANzalaudion, taldean lan egiteari oinarrizkoa deritzogu eta berdintasunean egitea geure lehentasunezko xedea da.
Buruko osasun arazoa duten dozenaka emakumek parte hartuko dute maitasun erromantikoaren mitoari buruzko hainbat tailerretan. Maitasuna ulertzeko modu horrek buru gaixotasuna duten emakumeen aurkako indarkerian zer nolako eragina duen aztertuko dute, gainera.
Buru Osasunaren Nazioarteko Egunarekin bat eginik, Fedeafesek kolektibo honetako senideen lana eskertu du, eta administrazioei eskatu die buru gaixotasuna duten pertsonen gizarteratzean gehiago inplika daitezela.
“Zu bezalakoa naiz, nahiz eta zuk oraindik ez jakin”. Horixe da urtero urriaren 10ean ospatzen den Osasun Mentalaren Nazioarteko Egunaren aurtengo leloa. Aurten, gizarteari helarazi nahi zaio osasun mentalak modu berean eragiten diela pertsona guztiei eta antzekotasun gehiago ditugula desberdintasunak baino. Hori dela eta, denon artean eraitsi behar ditugu osasun mentala duten pertsonek dituzten muga ikusezinak, hain zuzen ere, onartuak izatea, lan egiteko duten eskubidea gauzatzea eta komunitatean parte hartzeko aukera izatea oztopatzen dietenak.
